ܠܲܝܬ ܠܝܼ ܚܲܕܘܼܬܵܐ ܒܐܲܪܥܵܐ ܢܘܼܟܼܪܵܝܬܵܐ

ܪܸܚܩܵܐ ܡ̣ܢ ܘܲܪܕܝܼ ܦܸܩܚܵܐ ܕܚܲܝܘܼܬܵܐ

ܠܲܝܬ ܠܝܼ ܦܸܨܚܘܼܬܵܐ ܓܵܘ ܢܘܼܟܼܪܵܝܘܼܬܵܐ

ܪܸܚܩܵܐ ܡ̣ܢ ܥܲܝܢܹ̈ܐ ܕܢܵܓ̰ܸܒ ܠܵܚܘܼܡܬܵܐ.

ܒܐܲܪܥܵܐ ܕܒܹܝܬܢܲܗܪܹ̈ܝܢ ܫܒܼܝܼܩܵܐ ܝ݇ܘܸܢ ܚܘܼܒܝܼ

ܒܪܓܼܝܼܓܘܼܬܵܐ[1] ܕܦܲܓܼܪܵܐ ܒܵܣܘܼܡܹܐ ܕܲܪܒܝܼ

ܡܘܼܢܫܵܐ ܝܘܸܢ ܠܚܠܝܼܬـܝܼ ܡܘܼܢܫܵܐ ܠܫܘܼܘܕܵܝܵܐ[2]

ܦܠܵܛܝܼ ܡ̣ܢ ܐܲܬܪܝܼ ܩܵܐ ܙܲܒ݂ܢܵܐ ܟܸܪܝܵܐ

ܫܸܢܹ̈ܐ ܒܸܥܒܼܵܪܵܐ ܪܸܚܩܵܐ ܡܡܘܿܚܸܒܬـܝܼ

ܦܲܓܼܪܝܼ ܒܸܢܘܵܠܵܐ ܩܛܵܠܵܐ ܠܐܝܼܬܘܼܬܝܼ

ܒܐܝܼܕܵܬܵܐ ܕܓܵܢܝܼ ܦܪܝܼܡܵܐ ܝ݇ܘܸܢ ܪܘܼܚܝܼ

ܗ̇ܘ ܝܵܘܡܵܐ ܕܫܒܸܩܠܝܼ ܥܲܠܵܟܼܝ ܡܘܼܚܸܒܬـܝܼ.

ܟܲܘܟܼܒܼܝܼ ܠܲܓ̰ܠܘܼܓ̰ܹܐ ܒܫܡܲܝܵܐ ܕܐܵܗ ܠܸܒܝܼ

ܫܪܵܓܼ݇ܝܘܿܗ̇ ܒܲܗܪܘܼܢܹܐ ܐܘܼܪܚܵܐ ܕܐܵܗ ܚܘܼܒܝܼ

ܕܪܵܚܫܸܢ ܡܥܲܠ ܢܲܗܪܵܐ ܕܫܸܪܝܵܐ ܝ݇ܠܹܗ ܩܘܼܪܒܝܼ

ܡܝܼܬܵܐ ܝܲܢ ܚܵܝܵܐ ܓܵܘ ܚܦܵܩܵܐ ܕܚܘܼܒܝܼ

ܡܝܼܬܵܐ ܝܲܢ ܚܵܝܵܐ ܓܵܘ ܚܦܵܩܵܐ ܕܐܲܬܪܝܼ.

ܒܓܼܕܕ ܥܝܪܩ ܬܡܘܙ 1975

[1] ܪܓܼܝܓܼܘܬܐ: ܫܗܘܬܘܬܐ

[2] ܫܘܘܕܝܐ: ܩܘܠܐ