ܡ̣ܢ ܝܘܡܐ ܕܥܒ݂ܪܬܐ ܕܚܝܠܘܬ݂̈ܐ ܕܣܓܝܐܘܬ݂ ܓܢܣ̈ܐ ܠܚܪܪܬܐ ܕܥܝܪܩ ܡ̣ܢ ܫܘܠܛܢܐ ܕܟܬܬܘܪܝܐ ܕܨܕܐܡ ܡ̣ܢ ܥܠ ܩܕܠܐ ܕܥܡܐ ܥܝܪܩܝܐ، ܡܘܒܝܢܗ݇ܘܢ ܥܠ ܡܫܛܚܐ ܥܝܪܩܝܐ ܟܘܬܫ̈ܐ ܒܝܢܝ ܥܘܫܢ̈ܐ ܡܫܚܠܦ̈ܐ ܕܡܢܝܗܝ ܡܚܘܦܛܠܗ݇ܘܢ ܠܫܪܪܬܐ ܕܐܝܬܘܬܝܗܝ ܘܛܠܒܬܐ ܕܙܕܩܝ̈ܗܝ ܐܬܪ̈ܝܐ ܢܡܘܣܝ̈ܐ ܘܡܢܝܗܝ ܪܚܩܠܗ݇ܘܢ ܡ̣ܢ ܟܠܝܗܝ ܝܩܪ̈ܘܬ݂ܐ ܘܐܝܬܝܩܘܢ̈ܐ ܐ݇ܢܫܝ̈ܐ ܘܫܘܪܐܠܝܗܝ ܠܡܦܠܘܚܐ ܐܢܝ ܫܒ݂ܝܠ̈ܐ ܒܫ ܨܘܢ̈ܐ ܕܡܪ̈ܗܒ݂ܢܐ ܘܩܛܘܠ̈ܐ ܘܙܪܥܬܐ ܕܦܬ݂ܢ̈ܐ ܘܫܓܼܘܫܝ̈ܐ ܒܣܒ݂ܪܐ ܠܡܕܥܪܬܐ ܠܓܝܓܼܠܐ ܕܡܬܛܘܪܢܘܬܐ ܠܒܬ݂ܪܐ ܒܚܫܒ݂ܬܗ ܠܥܒ݂ܕܬܐ ܠܥܝܪܩ ܦܘܩܣܐ ܐܘ ܩܢܛܪܘܢ ܕܪܗܝܒ݂ܘܬ݂ܐ ܕܡܢܗ ܫܪܐ ܠܬܠܚܬܐ ܠܟܠ ܡܐ ܕܡܛܝܬܐ ܝܠܗ̇ ܐ݇ܢܫܘܬܐ ܥܠܗ ܡ̣ܢ ܡܬܛܘܪܢܘܬܐ.

ܘܒܥܠܬܐ ܕܠܝܬܝܘܬܐ ܕܡܫܠܛܘܬܐ ܘܛܟ݂ܣܘܬ݂ ܫܝܢܐ ܡܘܒܝܢܗ݇ܘܢ ܡܝܠܝܫܝܬ݂̈ܐ ܬܘܕܝܬܢܝ̈ܐ ܕܡܫܘܪܠܗ݇ܘܢ ܬܚܘܬ ܥܠܬ̈ܐ ܕܒܘܥܝܐ ܕܩܐܥܝܕܐ ܘܡܪ̈ܗܒ݂ܢܐ ܐ݇ܚܪ̈ܢܐ ܒܫܡܐ ܕܫܪܝܬܐ ܕܫܝܢܐ ܘܫܠܡܐ. ܟܠܗ ܐܗܐ ܡܘܥܒ݂ܕܠܗ ܕܐܬܐ ܥܠ ܒܢ̈ܝ ܥܡܢ ܐܬ݂ܘܪܝܐ ܠܐܢܝ݇ ܒܫ ܓܕܫ̈ܐ ܨܘܢ̈ܐ ܘܒܣܘܥܪ̈ܢܐ ܕܡܪ̈ܗܒ݂ܢܐ ܦܝܫܠܝܗܝ ܬܠܝܚܐ ܒܬ̈ܢ ܘܕܘܟܢ̈ܐ ܕܣܓܼܕܬܢ ܘܦܝܫܠܝܗܝ ܩܛܝܠ̈ܐ ܪܒܐ ܡ̣ܢ ܐܢܝ݇ ܒܢܘܢ̈ܢ ܒܫ ܛܢܢ̈ܐ ܓܘ ܡܘܨܠ ܘܒܓܼܕܕ ܘܐ݇ܚܪ̈ܢܐ ܡ̣ܢ ܡܕܝܢܬ݂̈ܐ ܕܐܝܬ ܒܢ̈ܝ ܐܘܡܬܢ ܓܘܝܗܝ ܘܠܝܬ ܗܘܐ ܦܝܫܐ ܩܐ ܥܡܢ ܫܒ݂ܘܩ ܡ̣ܢ ܠܫܒ݂ܩܐ ܠܐܬ݂ܪܐ ܐܘ ܡܬ݂ܓܘܣܢܘܬ݂ܗ ܠܦܢܝܬ݂̈ܐ ܕܩܠܝܡܐ ܕܬܡܐ ܦܝܫܠܗ ܩܘܒܠܐ ܒܫܝܢܐ، ܣܘܥܪܢܐ ܕܗܝܡܢܘܬ݂ܐ ܒܝܢܬ݂ ܒܢܘܢ̈ܐ ܕܥܡܢ ܓܘ ܕܥܝܪܩ ܐܝܬܠܗ ܘܪ̈ܝܕܗ ܥܡܝܩ̈ܐ ܝܠܝܗܝ ܒܥܡܩܘܬ݂ܐ ܕܐܓܼܘܢܐ ܕܟܠܝܗܝ ܥܡܡ̈ܐ ܐܚܘܢܘܬ݂̈ܐ.

ܕܡܐ ܙܟܝܐ ܕܣܗܕ̈ܢ ܐܢܝ ܕܢܦܠܗ݇ܘܢ ܡܥܠ ܛܠܘܡܝ̈ܐ ܕܙܒ݂ܢܐ ܕܡܘܫܬܠܗ ܠܐܗܐ ܐܪܥܐ ܠܐ ܗܘܐ ܕܠܐ ܝܘܬܪܢܐ. ܕܡܐ ܕܣܗܕ̈ܐ ܕܒܢܘܢ̈ܐ ܕܐܬ݂ܘܪ ܕܚܒ݂ܛܠܗ ܥܡ ܕܡܐ ܕܟܠܝܗܝ ܥܝܪ̈ܩܝܐ ܘܡܘܫܬܠܗ ܠܐܪܥܐ ܕܥܝܪܩ. ܗ̇ܘ ܠܐ ܫܒ݂ܩ ܫܘܦܐ ܕܐܩܠܐ ܠܐܢܝ ܕܒܢܛܪ̈ܐ ܝܠܝܗܝ ܠܡܫܦܠܬܐ ܕܬܪܡܝܬܐ ܕܝܡܘܩܛܝܬܐ ܐܝܢܐ ܐܚܢܢ ܒܫ ܒܕ ܗܘܐ ܠܢ ܠܒ݂ܝܒ݂ܘܬܐ ܠܪܚܫܐ ܠܩܕ݇ܡܐ ܗܠ ܕܫܪܪܝ ܟܠܝܗܝ ܣܒ݂ܪ̈ܐ ܕܣܒܝܪܐ ܝܠܗ ܟܠܗ̇ ܚܝܘܬܗ ܐܓܼܘܢܝܬܐ ܘܕܪܩܘܒܼܠ ܟܠܝܗܝ ܡܒܝܢܝܬ݂̈ܐ ܕܡܢܣܘܝܐ ܝܠܝܗܝ ܠܐ ܡܢܬܝܬܐ ܕܩܢܝܬ݂̈ܐ ܕܝܡܘܩܛܝ̈ܐ ܐܬ݂ܪ̈ܝܐ ܩܐ ܒܢܘܢ̈ܐ ܕܥܡܢ.

ܡܗܝܡܢܘܬ݂ܐ ܕܣܘܥܪܢܐ ܐܬ݂ܪܝܐ ܐܝܢܝ ܕܕܒ݂ܩܠܗ ܒܝܗ ܟܠܝܗܝ ܒܢܘܢ̈ܢ ܘܓܒ̈ܢ ܓܘ ܥܝܪܩ ܘܟܘܢܫܝܗܝ ܠܡܢܬܝܬܐ ܕܬܪܡܝܬܐ ܕܝܡܘܩܛܝܬܐ ܘܡܘܬ݂ܪܬܐ ܕܫܝܢܐ ܡܘܥܒ݂ܕܠܗ ܠܝܬܝܪܘܬܐ ܕܐܣܘܪ̈ܐ ܕܐܚܘܬܐ ܬܫܥܝܬܢܝܬܐ ܘܡܩܘܝܬܐ ܕܗܝܡܢܘܬܐ ܒܝܢܬ݂ ܒܢܘܢ̈ܐ ܕܐܗܐ ܐܬܪܐ. ܪܘܚܐ ܕܐܚܘܬܐ ܒܝܢܬ݂ ܟܠܝܗܝ ܙܘܠ̈ܐ ܕܥܡܐ ܕܥܝܪܩ ܘܗܝܡܢܘܬ݂ܐ ܫܪܝܪܬܐ ܒܣܘܟܠ̈ܐ ܕܝܡܘܩܛܝ̈ܐ ܕܦܐܪܗ ܝܗܘܐ ܢܡܘܣܐ ܕܝܡܘܩܛܝܐ ܐܬ݂ܪܝܐ ܐܝܢܝ ܕܫܘܪܪܐ ܠܓܡܝܪܘܬܐ ܕܙܕܩ̈ܐ ܐ݇ܢܫܝ̈ܐ ܘܐܘܡܬܢܝ̈ܐ ܘܦܘܠܝܛܝܩܝ̈ܐ ܠܟܠܝܗܝ ܒܢܘܢ̈ܐ ܕܦܢܝܬ݂ܐ ܘܨܚܚ̈ܐ ܨܦܝ̈ܐ ܘܠܐ ܫܒ݂ܩܬܐ ܕܚܕ ܒܙܥܐ ܠܗ̇ܘ ܕܒܥܐ ܨܝܕ ܓܘ ܡܝܐ ܗܪ̈ܫܢܐ ܡܛܠ ܦܠܓܼܬܐ ܕܚܕܝܘܬܐ ܕܥܡܢ ܐܬ݂ܘܪܝܐ.

ܘܠܝܬܐ ܐܘܡܬܢܝܬܐ ܒܛܠܒܐ ܝܠܗ̇ ܡ̣ܢ ܟܠܝܗ ܓܒ̈ܢ ܘܫܘܬܐܣ̈ܢ ܐܘܡܬܢܝ̈ܐ ܘܫܪܝܪ̈ܐ ܡ̣ܢ ܒܢ̈ܝ ܥܡܢ ܠܦܠܚܐ ܒܟܫܝܪܘܬܐ ܘܣܙܓܪܬܐ ܫܪܝܪܬܐ ܘܪܚܩܬܐ ܡ̣ܢ ܕܘܪ̈ܫܐ ܘܡܡܠܠ̈ܐ ܣܦܝܩܘܬ݂ ܝܘܬܪܢܐ ܐܝܢܝ ܕܠܐ ܡܝܬ݂ܐ ܫܒ݂ܘܩ ܡ̣ܢ ܢܟ݂ܝܢܐ ܘܠܐ ܡܢܬܝܬܐ ܘܬܘܬܒ݂ܘܬܐ ܠܥܠܡܐ ܢܘܟ݂ܪܝܐ ܚܪܬܐ ܚܘܣܪܢܐ ܕܩܢܝܬ݂̈ܢ ܓܘ ܚܕܝܘܬܐ ܕܐܘܡܬܢ ܘܙܕܩܗ̇ ܢܡܘܣܝܐ ܓܘ ܫܘܠܛܢܐ ܝܬܝܐ ܓܘ ܦܢܝܬ݂̈ܢ ܬܫܥܝܬܢܝ̈ܐ.

. ܦܘܠܘܣ ܕܢܚܐ ـ ܣܘܝܕ