(ܡܫܘܼܚܬܵܐ ܕܒܲܪܕܲܝܨܵܢ)
ܚܕܵܐ ܒܲܟ݂ܬܵܐ ܐܝܼܬ ܗ݇ܘܵܐ ܐܲܝܟܼ ܕܝܼܘܼܗ̇ ܠܲܝܬ ܗ݇ܘܵܐ
ܪܵܡܬܵܐ ܘܠܵܚܘܿܡܬܵܐ ܫܒ݂ܝܼܚܬܵܐ ܒܩܘܼܡܬܵܐ
ܒܚܲܟܡܵܐ ܝܵܘܡܵܢܹܐ ܦܬܝܼܚܠܵܗ̇ ܠܬܲܪܥܵܢܹܐ
ܥܲܡ ܟܠܲܝܗܝ ܝܵܠܕ݇ܘܼܗ̇ ܟܲܕ ܟܦܝܼܫܹܐ ܠܩܵܠܘܼܗ̇
ܒܚܲܕ݇ ܙܲܒ݂ܢܵܐ ܒܘܼܟ݂ܵܐ ܢܦܸܠܵܗ̇ ܥܲܠ ܐܘܼܪܚܵܐ
ܒܓܵܘܵܐ ܕܛܘܼܪܵܢܹܐ ܬܦܸܩܠܵܐ ܒܒܘܼܪܵܢܹܐ
ܓܵܘ ܕܸܡܵܐ ܕܝܵܠܕ݇ܘܼܗ̇ ܟܲܕ ܟܦܝܼܫܹܐ ܠܩܵܠܘܼܗ̇
ܟܠܝ ܐ݇ܡܸܪܘܼܢ ܩܵܬܘܼܗ̇ ܟܠܲܝܗܝ ܚܵܬܘܵܬܘܼܗ̇
ܐܲܢ݇ܬ ܕܠܵܐ ܬܘܼܚܵܡܵܐ ܠܵܐ ܛܪܝܼ ܠܵܩܵܕ݇ܡܵܐ
ܓܵܘ ܐܘܼܪܚܵܐ ܕܐܝܼܠܵܟܼܝ ܒܸܬ ܬܵܦܩܲܬܝ ܒܩܸܛܠܵܟܼܝ
ܠܵܐ ܕܒ݂ܸܩܠܵܗ̇ ܢܵܬܵܐ ܘܦܠܸܛܠܵܗ̇ ܡ̣ܢ ܡܵܬܵܐ
ܘܡܸܢ݇ܕܪܹܫ݇ ܗ̇ܝ ܛܪܹܐܠܵܗ ܟ̰ܸܡ ܪܵܒܵܐ ܓ̰ܸܗܠܵܗ̇
ܗܲܠ ܕܘܝ݇ܠܵܗ̇ ܐ݇ܬܹܐ ܠܵܗ̇.
ܢܦܸܠܵܗ̇ ܗ̇ܝ ܒܲܟ݂ܬܵܐ ܩܘܼܝܵܐ ܒܬܲܢܲܚܬܵܐ
ܐܝܼܢܵܐ ܫܲܒܘܼܚܹܐ ܘܩܘܼܝܵܐ ܬܲܢܘܼܚܹܐ
ܐ݇ܬܹܐܠܹܗ ܚܲܕ݇ ܩܵܠܵܐ ܐܲܝܟܼ ܚܲܕ݇ ܒܪܵܬ݇ܩܵܠܵܐ
ܕܛܥܹܝܡܘܿܢ ܒܵܬ݇ܪ ܩܕܝܼܠܵܐ ܡܲܩܸܡܘܿܢ ܠܢܦܝܼܠܵܐ
ܘܕܠܵܐ ܟܝܵܠܬܵܐ ܠܝܘܼܪܟ݂ܵܐ ܠܵܐ ܢܦܘܼܠܗ݇ܘܿܢ ܠܐܘܼܪܚܵܐ
ܘܝܵܐ ܐܵܬܘܿܪܵܝܹܐ ܪܚܘܿܡܘܿܢ ܠܐܵܬܘܿܪܵܝܹܐ.
ܡܒܘܥܐ:
ܣܘܪܓܕܐ ܐܘܡܬܢܝܐ، ܡܘܫܚܬ݂̈ܐ
ܡܢܚܐ ܪܒܝ ܒܢܝܡܝܢ ܐܪܣܢܣ