ܚ. ܒܪܘܢܝ: ܒܟ݂ܬܐ ܢܙܢ ܠܐ ܡܥܠܕܝܠܘܟ݂ ܒܡܡܠܠܗ̇، ܘܡܚܪܒܩܠܘܟ݂ ܠܓܘ ܓܪܕܐ ܗܠ ܕܦܝܫܐ ܝܘܬ ܨܝܕܐ ܒܦܚܐ، ܕܠܐ ܡܝܬܬ ܐܝܟܼ ܚܕ݇ ܐ݇ܢܫܐ ܒܘܫ ܫܩܝ ܡ̣ܢ ܟܠܝܗܝ ܒܢܝܢܫܐ ܡܝܘܬ̈ܐ.
ܛ. ܒܪܘܢܝ: ܠܐ ܡܪܡܬ ܥܝܢܘܟ݂ ܘܚܙܬ ܒܟ݂ܬܐ ܡܣܘܩܠܬܐ ܘܟܚܝܠܬܐ ܥܝܢܘܗ̇، ܟܕ ܓܘ ܓܢܘܗ̇ ܢܙܢ ܝܠܗ̇ ܘܐܚܡܩ، ܘܠܐ ܡܫܗܘܬܬ ܥܠܘܗ̇ ܒܠܒܘܟ݂، ܣܒܒ ܐܢ ܝܗܒ݂ܬܠܗ̇ ܟܠ ܡܢܕܝ ܕܐܝܬܠܘܟ݂، ܘܝܢ ܥܒ݂ܕܬ ܩܬܘܗ̇ ܟܠ ܡܢܕܝ ܟܠ ܡܢܕܝ ܕܡܛܐ ܒܐܝܕܘܟ݂، ܗ̇ܝ ܒܬ ܡܫܕܠܠܘܟ݂ ܘܓܪܫܠܘܟ݂ ܠܓܘ ܚܛܝܬܐ، ܡܢܕܝ ܝܘܬܪܢܐ ܠܐ ܡܫܟ̰ܚܬ ܒܝܘܗ̇، ܘܒܬ ܚܛܬ ܩܕ݇ܡ ܐܠܗܐ ܘܒܢܝܢܫܐ، ܣܒܒ ܚܕܐ ܒܟ݂ܬܐ ܡ̣ܢ ܠܒ݂ܕܪ ܟܐ ܦܝܫܐ ܚܙܝܬܐ ܐܝܟ݂ ܩܒ݂ܪܐ ܫܦܝܪܬܐ، ܟܕ ܡ̣ܢ ܓܘܝ̈ܐ ܡܠܝܬܐ ܝܠܗ̇ ܓܪ̈ܡܐ ܕܡܝܬ̈ܐ ܘܛܢܦܘܬ݂ܐ.
ܝ. ܒܪܘܢܝ ܠܐ ܥܒ݂ܕܬ ܩܗܒܘܬܐ ܥܡ ܒܟ݂ܬܐ ܕܚܒ݂ܪܘܟ݂، ܒܠܟܐ ܐ݇ܚܪ̈݇ܢܐ ܥܒ݂ܕܝ ܩܗܒܘܬܐ ܥܡ ܒܟ݂ܐ ܕܝܘܟ݂.