ܐܝܟܼ ܕܒܚܙܝܐ ܝܘܚ ܪܒܐ ܦܫܠܗ ܐ݇ܡܝܪܐ ܒܘܬ ܡܒܘܥ̈ܐ ܟܬܝܒ݂̈ܐ ܘܫܪ. ܕܡܢܝܗܝ ܬܫܥܝܬܐ ܕܐܬܘܪ ܕܦܫܠܗ̇ ܡܬܘܪܨܬܐ، ܒܘܬ ܐܗܐ ܐܕܝܐ ܐܝܬܠܢ ܚܕ ܚܒܪܐ ܠܐܡܪܐ ܐܝܟܼ ܟܡܐ ܕܒܐܙܠܐ ܝܘܚ ܠܩܕ݇ܡܐ ܒܫܘܠܢ ܒܬ ܬܦܩܚ ܒܚܕܟܡܐ ܥܕܢܬ̈ܐ ܕܐܚܢܢ ܓܪܓ ܠܪ̈ܥܝܢܐ ܕܩܪ̈ܝܢܐ ܠܟܬܝܒ݂ܝܬ̈ܐ ܒܘܫ ܡܠܝ̈ܐ ܘܪ̈ܐܙܢܝܐ ܕܡܠܟ̈ܐ ܦܪ̈ܝܫܐ ܦܪ̈ܝܫܐ.

ܘܙܘܕܐ ܠܐܢܐ ܒܘܬ ܚܕܟܡܐ ܟܬܝܒ݂ܝܬ̈ܐ ܐ݇ܚܪ̈ܢܐ ܬܫܥܝܬܢܝ̈ܐ ܒܘܫ ܡܦܪ̈ܡܢܐ، ܕܣܗܡܐ ܙܘܕܐ ܡܢܝܗܝ ܗܘܝܐ ܝܢܐ ܥܠܬܐ ܕܡܬܡܨܝܢܘܬܐ ܘܡܢܬܝܬܐ ܒܫܘܠܐ ܩܐ ܟܬܒ݂̈ܐ ܕܩܐܡ ܩܐ ܬܘܪܨܐ ܡ̣ܢ ܪܫ ܕܫܥܝܬܐ ܕܐܫܘܪ ܘܒܒܐܝܠ. ܣܗܡܐ ܒܘܫ ܪܫܝܐ ܕܓܘ ܕܐܐ ܟܬܝܒ݂ܝܬ̈ܐ ܝܠܗ ܚܕܟܡܐ ܣܕܪ̈ܐ ܕܡܠܟ̈ܐ ܒܒܐܝܠܝ̈ܐ، ܘܚܕܐ ܬܫܥܝܬܐ ܒܪܬ݇ܙܒ݂ܢܐ ܕܒܚܒ݂ܫܐ ܝܠܗ̇ ܠܚܠܦܝܬ̈ܐ ܕܡܠܟ̈ܐ ܒܬ݇ܪܐ ܒܬ݇ܪ ܥܘܕܠܐ ܓܘ ܒܒܐܝܠ ܘܐܬܘܪ.

ܐܝܢܐ ܐܘܦ ܐܢ ܟܠܝܗܝ ܐܢܐ ܣܕܪ̈ܐ ܟܪ̈ܘܢܝܩܝܐ (ܝܘܒܠܝ̈ܐ) ܕܦܫܠܗܘܢܡܘܕܟ݂ܪ̈ܐ ܒܥܠܠ ܦܝܫܝ ܟܘܦܫ̈ܐ (ܓ̰ܘܡܥ̈ܐ) ܠܥܘܕܠ̈ܐ ܡܕܪܐ ܠܐ ܗܘܝܐ ܒܣܐ ܠܬܪܘܨܐ ܒܡܠܝܘܬܐ ܠܬܫܥܝܬܐ ܕܟܠܝܗܝ ܐܢܐ ܡܬܚ̈ܐ ܕܝܢܐ ܓܘ ܕܘܪܫܐ. ܐܝܢܐ ܚܕ ܡܢܕܝ ܐ݇ܚܪ݇ܢܐ ، ܐܢܐ ܫܘܦܦ̈ܐ ܝܢ ܣܦܝܩܘܬ̈ܐ ܕܦܝܫܐ ܝܢܐ ܒܝܠ ܕܐܢܐ ܙܒ݂ܢ̈ܐ ܠܐ ܝܢܐ ܐܘܚܟ̰ܐ ܡܒܝܢܢ̈ܐ، ܕܝܠܢܐܝܬ ܐܢܝ ܕܡ̣ܢ ܒܬ݇ܪ ܡܬܚܐ ܕ1000 ܫܢ̈ܐ ܐ݇ܚܪ̈ܝܐ ܕܡ̣ܢ ܩܕ݇ܡ ܡܫܝܚܐ.