ܡܢܬܐ ܕ4

ܠܐ ܐܚܟ̰ܝ ܒܘܬ ܬܫܥܝܬܘܗ̇ ܩܕܝܡܝܬܐ ܠܝܬܠܢ ܒܣܐ ܟܬܝܒ݂ܝܬ̈ܐ، ܐܝܢܐ ܐܘܦ ܩܐ ܪܒܐ ܕܘܪ̈ܐ ܡ̣ܢ ܒܬܪ ܕܫܘܪܝܬܐ ܝܗܘܐ ܠܫܩܠܐ ܦܣܘܥܝܬ̈ܐ ܐܢܢܩܝ̈ܐ ܘܡܪܐ ܕܝܘܬܪܢܐ ܓܘܪܐ ܓܘ ܡܬܥܡܪܢܝܬܐ ܕܚܝܠܬܢܘܬܐ، ܐܝܬܠܢ ܚܕ݇ܟܡܐ ܢܘܗܪ̈ܐ ܟ̰ܡ ܙܥܘܪ̈ܐ ܘܕܝܠܠ̈ܐ ܒܘܬ ܬܫܥܝܬܘܗ̇. ܒܐܢ̈ܐ ܙܒ݂ܢܐ ܚܕ݇ܟܡܐ ܓܗ̈ܐ ܒܬܦܩܐ ܝܘܚ ܠܐܟ݂ܐ ܘܬܡܐ ܒܚܕ݇ ܡ̣ܢ ܡܠܟ̈ܐ ܓܘܪ̈ܐ، ܕܒܟܬܒ݂ܐ ܝܠܗ ܚܕ݇ ܡܢܕܝ ܒܘܬ ܦܘܠܚܢ̈ܐ ܘܕܘܒܪ̈ܐ ܕܓܢܘܗܝ ܘܡܚܝܐ ܝܠܗ ܠܚܬܡܘܗܝ ܥܠ ܟܬܝܒ݂ܬܘܗܝ ܕܦܝܫܬܐ ܝܠܗ̇ ܩܬܢ ܡ̣ܢ ܚܕ݇ ܙܒ݂ܢܐ ܪܒܐ ܪܚܩܐ، ܐܝܢܐ ܠܐ ܡܬܢܫܝܢܐ، ܩܐ ܕܐܘܦ ܪܗܛܐ ܕܥܕܢܐ ܠܐ ܡܨܐ ܠܫܝܦܘܗܝ ܡܥܠ ܦܬܐ ܕܐܪܥܐ.

ܫܡܗ̈ܐ ܐܝܟܼ ܣܪܓܘܢ ܬܪܝܢܐ، ܫܠܡܢܐܣܪ ܘܬܓ݂ܠܬܦܐܠܣܪ ܦܝܫܐ ܝܗܘܘ ܕܟ݂ܝܪ̈ܐ ܒܡܨܥܝܘܬܐ ܕܙܪܥܝܗܝ ܕܡ̣ܢ ܒܬܪ ܡܢܝܗܝ، ܐܝܟ݂ ܕܗܘܝ ܗܘܐ ܫܡܢ̈ܐ ܕܡܠܟ̈ܐ ܓܢ݇ܒܪ̈ܐ ܕܓܢ݇ܒܪ̈ܐ. ܒܘܬ ܐܗܐ ܪܒܐ ܡ̣ܢ ܡܠܟ̈ܐ ܐ݇ܚܪ̈ܢܐ، ܕܠܐ ܝܗܘܘ ܡ̣ܢ ܕܡܐ ܡ̣ܢ ܕܡܐ ܘܒܝܬܐ ܡܠܟܝܐ، ܫܩܠܗܘܢ ܥܠ ܓܢܝܗܝ ܠܐܢ̈ܐ ܫܡܢ̈ܐ ܘܓ̰ܘܪܒܠܗܘܢ ܠܡܐܨܘܚܐ ܠܕܝܠܝܬܝܗܝ ܘܥܒ݂ܘܕܝܬܝܗܝ ܘܠܡܕܡܘܝܐ ܓܢܝܗܝ ܥܠܝܗܝ. ܘܐܢ̈ܐ ܫܡܢ̈ܐ ܚܕ݇ܟܡܐ ܓܗ̈ܐ ܙܐ ܦܝܫܐ ܝܗܘܘ ܫܩܝܠ̈ܐ ܒܙܪ̈ܥܐ ܫܪܝܪ̈ܐ ܕܡܠܟ̈ܐ، ܝܢ ܒܢ̈ܝ ܬܓ݂ܐ، ܕܒܐܬܝܐ ܝܗܘܘ ܡ̣ܢ ܒܬܪ ܡܢܝܗܝ، ܒܐܗܐ ܦܨܠܐ (ܬܗܪ) ܫܡܢ̈ܐ ܕܐܢ̈ܐ ܓܢ݇ܒܪ̈ܐ ܦܝܫܐ ܝܗܘܘ ܕܟ݂ܝܪ̈ܐ ܒܟܠܝܗܝ ܙܒ݂ܢ̈ܐ.

ܡܒܘܥܐ:

ܬܫܥܝܬܐ ܕܒܝܬܢܗܪ̈ܝܢ

ܐܫܥܝܐ ܫܡܫܐ ܕܘܝܕ