ܡܢܬ݂ܐ 6

ܐܝܢܐ ܓܘ ܟܠܝܗܝ ܐܢܹܐ ܟܬܒ݂ܝܬ̈ܐ ܗܠ ܐܕܝܐ ܦܝܫܐ ܝܢܐ ܡܘܫܟܚ̈ܐ ܘܬܘܪ̈ܓܡܐ، ܗܟ̃ ܚܕ ܡܢܕܝ ܠܝܬ ܡܫܟ̰ܝܚܐ ܒܘܬ ܚܕ ܡܠܟܐ ܐܫܘܪܝܐ ܕܦܝܫܐ ܝܠܗ ܩܪܝܐ ܢܝܢܘܣ، ܕܦܝܫܐ ܝܠܗ ܚܫܝܒ݂ܐ ܗܘܐ ܒܢܝܐ ܠܢܝܢܘܐ، ܘܐܘܦ ܠܐ ܐܝܬ ܡܫܟ̰ܝܚܐ ܚܕ ܡܢܕܝ ܕܬܢܐ ܩܬܢ ܒܘܬ ܟܠܝܗܝ ܐܢܹܐ ܙܟ݂ܘܝܬ̈ܐ ܡܕܡܪ̈ܢܐ ܕܫܡܝܪܡ ܡܠܟܬܐ، ܕܟܬܒ݂̈ܐ ܝܘܢܝ̈ܐ ܚܕ ܗܕܟ݂ܐ ܒܟܬܒ݂ܐ ܝܢܐ ܒܘܬ ܕܝܘܗ̇ ܘܒܚܩܪܘܗ̇. ܕܠܐ ܦܘܫܟ݂ܐ، ܐܝܬ ܡܫܟ̰ܝܚ̈ܐ ܚܕ݇ܟܡܐ ܟܬܝܒ݂ܝܬ̈ܐ ܒܘܬ ܚܕܐ ܡܠܟܬܐ ܫܡܝܪܡ، ܕܝܠܗ̇ ܡܠܟܬܐ ܕܚܕ ܡ̣ܢ ܡܠܟ̈ܐ ܕܙܒ݂ܢ̈ܐ ܐ݇ܚܪ̈ܝܐ ܕܢܝܢܘܐ، ܐܝܢܐ ܒܘܬ ܕܘܒܪܘܗ̇ ܚܕ ܡܢܕܝ ܦܪܝܫܐܝܬ ܠܝܬ ܦܝܫܐ ܟܬܝܒ݂ܐ ܕܦܝܫܐ ܚܫܝܒ݂ܬܐ ܕܐܗܐ ܗܘܝܐ ܗ̇ܝ ܫܡܝܪܡ ܡܠܟܬܐ ܡܫܡܗܬܐ ܕܒܬ ܗܡܙܡܚ ܒܘܬ ܕܝܘܗ̇ ܓܘ ܦܬܘܬ̈ܐ ܐ݇ܚܪ̈ܝܐ ܕܐܗܐ ܟܬܒ݂ܐ.

ܟܬܒ݂̈ܐ ܝܘܢܝ̈ܐ ܐܝܡܢ ܕܒܟܬܒ݂ܐ ܝܗܘܘ ܠܬܫܥܝܬܐ ܕܐܬܘܪ، ܐܝܟܼ ܕܡܒܝܘܢܐ ܝܠܗ̇ ܬܠܝܐ ܝܗܘܘ ܒܘܫ ܝܬܝܪ ܥܠ ܬܘܢܝܬ̈ܐ ܡ̣ܢ ܕܥܠ ܚܕ ܚܡܝܪܐ ܫܪܝܪܐ: ܘܡܘܫܡܪܐ ܝܢܐ ܠܓܢܝܗܝ ܡ̣ܢ ܠܕܒ݂ܚܐ ܚܕ݇ܟ̰ܐ ܥܕܢܐ ܩܐ ܨܚܨܝܬܐ ܕܟܬܒ݂ܝܬ̈ܐ ܪ̈ܘܫܡܝܐ ܕܐܝܬ ܗܘܘ ܩܕ݇ܡ ܐܝܕܐ ܓܘ ܒܝܬ ܐܪ̈ܟܐ ܕܒܒܐܝܠ ܒܗ̇ܝ ܥܕܢܐ ܕܗܪܘܕܘܬܘܣ ܡܣܘܚܒܪܗ ܠܗ̇ܝ ܡܕܝܢ݇ܬܐ.

ܐܚܢܢ ܠܡܢܕܝ ܝܬܝܪ ܕܒܚܙܝܐ ܝܘܚ ܠܐܟ݂ܐ ܝܠܗ، ܐܢܹܐ ܝܘܢܝ̈ܐ ܐܝܬ ܗܘܘ ܠܗܘܢ ܚܕܐ ܗܝܡܢܘܬܐ ܪܒܐ ܩܘܝܬܐ ܘܫܪܝܪܬܐ ܒܘܬ ܪܒܘܬܐ ܘܓܢ݇ܒܪܘܬܐ ܕܐܬܘܪ ܕܚܕ ܙܒ݂ܢܐ، ܐܘܦ ܐܢ ܠܐ ܝܗܘܘ ܡܨܝܐ ܠܓܪܫܐ ܚܕ ܣܟܝܡܐ ܬܪܘܨܐ ܘܡܗܘܡܢܐ ܕܗ̇ܘ ܐܘܪܓܢܐ ܗܕܟ݂ܐ ܥܠܝܐ.