ܡܢܬܐ: 1

ܗܐ ܐܬܘܪܝܐ ܐܪܙܐ ܒܠܒ݂ܢܢ، ܫܦܝܪܐ ܕܦܥܘܐ، ܥܡܘܪܘܬܐ ܡܪܐ ܛܠܢܝܬܐ ܘܪܡܐ ܕܩܘܡܬܐ، ܘܒܝܠ ܥܡܘܪ̈ܐ ܗܘܐ ܟ̰ܢܩܫܬܗ. ܡܝܐ ܩܡ ܒܓ̰ܪܝܠܗ، ܥܘܡܩܐ ܩܡ ܡܪܡܠܗ، ܘܒܢܗܪܘܬܘܗܝ ܒܐܙܠܐ ܚܕܪ̈ܘܢܐ ܕܢܨܒ݂ܬܗ، ܘܫܩܝܬܘܗ̈ܝ ܦܘܫܛܠܗ ܥܠ ܟܠܝܗܝ ܐܝܠܢ̈ܐ، ܕܕܫܬܐ، ܘܓܘܪܘܣܠܗܘܢ ܒܦܫܛܘܗܝ، ܓܘ ܣܪ̈ܥܦܝܬܘܗܝ ܬܘܪܨܠܗܘܢ ܩܢܐ ܟܠܝܗܝ ܛܝܪ̈ܐ ܕܫܡܝܐ، ܘܬܚܘܬ ܦܥܘܢܘܗܝ، ܝܠܕܠܗܘܢ ܟܠ ܚܝܘܐ(ܗܝܘܢ) ܕܕܫܬܐ، ܘܒܛܠܢܘܬܘܗܝ ܝܬܒ݂ܠܗܘܢ ܟܠܝܗܝ ܡܠܬ̈ܐ. ܘܫܦܪܗ ܒܓܘܪܘܬܗ ܒܝܪܟ݂ܬܐ ܕܦܥܘܢܘܗܝ، ܒܥܠܬܐ ܕܗܘܐ ܠܗ ܥܩܪܘܗܝ ܥܠ ܡܝܐ ܪܒܐ، ܐܪ̈ܙܐ ܠܐ ܛܘܫܠܗܘܢ ܐܠܗ ܒܓܢܬܐ ܕܐܠܗܐ، ܘܫܪ̈ܘܝܢܐ ܠܐ ܕܡܠܗܘܢ ܠܣܪܥܦܝܬܘܗܝ، ܘܕܘܠܒ̈ܐ ܠܐ ܗܘܐ ܠܗܘܢ ܐܝܟܼ ܦܥܘܢܘܗ̈ܝ، ܟܠ ܐܝܠܢܐ ܒܓܢܬܐ ܕܐܠܗܐ ܠܐ ܕܡܠܗ ܐܠܗ ܒܫܘܦܪܗ، ܫܦܝܪܐ ܩܡ ܥܒ݂ܕܢܗ ܒܒܘܫܝܝ ܕܦܥܘܢܘܗ̈ܝ، ܒܘܚܠܗܘܢ ܒܝܘܗܝ ܟܠܝܗܝ ܐܝܠܢ̈ܐ ܕܥܕܝܢ، ܒܓܢܬܐ ܕܐܠܗܐ، ܚܙܩ: 3 ـ 31.

ܐܗܐ ܡܠܟܘܬܐ ܝܢ ܐܡܦܪܛܘܪܘܬܐ ܕܐܫܘܪ ܒܚܕ݇ ܬܗܪ ܝܚܝܕܝܬܐ ܝܠܗ̇ ܓܘ ܬܫܥܝܬܐ ܕܡܬܥܡܪܢܝܬܐ. ܗ̇ܝ ܫܘܪܠܗ ܢܝܚܐ ܒܢܝܚܐ ܐܝܢܐ ܡܢܫܠܬܢܐ ܟ̰ܪܚܠܗ̇ ܘܡܛܠܗ̇ ܠܕܪܓ݂ܐ ܟ̰ܡ ܥܠܝܐ ܕܚܝܠܬܢܘܬܐ. ܐܬܘܪ ܩܡܠܗ̇ܘ ܘܗ݇ܘܐ ܠܗ̇ ܡܠܟܘܬܐ ܒܘܫ ܓܢ݇ܒܪܬܐ ܓܘ ܐܡܘܬ̈ܐ ܕܕܘܢܝ̈ܐ، ܦܪܣܠܗ̇ ܠܓܘ ܡܬܥܡܪܢܝܬܐ ܘܕܒ݂ܩܠܗ̇ ܩܐ ܓܢܘܗܝ ܚܕ݇ ܐܘܚܕܢܐ ܕܗܠ ܗ̇ܝ ܥܕܢܐ ܕܗܟ̰ ܠܐ ܝܗ݇ܘܐ ܦܝܫܐ ܚܠܝܡܐ ܒܟܠܗ ܡܬܚܐ ܕܬܫܥܝܬܐ. ܢܝܢܘܐ ܐܪܫܟ݂ܝܬܐ ܕܐܗܐ ܐܡܦܪܬܘܪܘܬܐ ܩܐ ܟܡܐ ܕܘܪ̈ܐ ܡ̣ܢ ܒܬ݇ܪ ܗܕܐ: ܗܪ ܗ݇ܘܐ ܠܗ̇ ܡܕܝܢ݇ܬܐ ܓܘܪܬܐ ܝܢ ܡܛܪܦܘܠ ܩܐ ܟܠܗ̇ ܓܠܘܠܘܬܐ. ܐܝܢܐ ܐܘܦ ܡܕܡܪܢܬܐ ܗܪ ܒܐܗܐ ܡܬܚܐ ܕܗ̇ܝ ܗܫ ܓܘ ܦܩܚܐ ܕܥܘܫܢܐ ܘܚܝܠܬܢܘܬܐ ܕܐܡܦܪܬܘܪܘܬܐ ܝܠܗ̇، ܡܢܫܠܬܢܐ ܒܦܝܫܐ ܝܠܗ̇ ܛܪܝܦܬܐ ܥܠ ܐܪܥܐ ܘܦܘܪܦܣܬܐ ܠܩܛܥܛ̈ܐ. ܡܠܟܘܬ̈ܐ ܐ݇ܚܪ݇ܢܐ ܦܝܫܐ ܝܗ݇ܘܘ ܫܠܝܡ̈ܐ (ܓ݂ܠܝܒ̈ܐ) ܠܙܟ݂ܘܬܐ ܕܐ݇ܚܪ̈݇ܢܐ، ܐܝܢܐ ܢܝܢܘܐ ܡܕܝܢ݇ܬܐ ܕܝܗ݇ܘܐ ܩܐ ܕܘܪ̈ܐ ܡܘܬܒ݂ܐ ܕܡܪܕܘܬܐ، ܫܘܒ݂ܚܐ ܘܬܫܒܘܚܬܐ ܕܟܠܗ̇ ܕܘܢܝܐ، ܥܠܠ ܡ̣ܢ ܟܠܝܗܝ، ܚܩܪܐ ܘܐܝܩܪܐ ܕܡܠܟܘܬܐ ܐܬܘܪܝܬܐ، ܠܐ ܐܚܟ̰ܝ ܦܝܫܬܐ ܝܗܘܐ ܫܠܝܡܐ ܠܐ݇ܚܪ̈݇ܢܐ ، ܐܝܢܐ ܐܘܦ ܦܝܫܬܐ ܝܗ݇ܘܐ ܬܠܝܚܬܐ ܘܡܘܚܪܒ݂ܬܐ ܒܚܕܐ ܟܦܘܪܘܬܐ ܕܠܐ ܐܬܝܐ ܠܗܩܘܝܐ.

ܡܒܘܥܐ:

ܬܫܥܝܬܐ ܕܒܝܬܢܗܪ̈ܝܢ

ܐܫܥܝܐ ܫܡܫܐ ܕܘܝܕ