ܦܘܠܘܣ ܕܢܚܐ
ܫܠܵܡܵܐ ܥܲܠܘܼܟܼ ܣܵܗܕܵܐ ܕܐܵܬܘܿܪ
ܫܠܵܡܵܐ ܥܲܠܘܼܟܼ ܣܵܗܕܵܐ ܕܡܝܼܟ݂ܵܐ
ܣܵܗܕܵܐ ܢܝܼܚܵܐ ܒܐܲܪܥܵܐ ܕܚܘܼܒܲܢ
ܢܝܵܚܵܐ ܠܪܘܼܚܘܼܟܼ ܣܵܗܕܵܐ ܕܨܒ݂ܘܼܬܵܐ
ܕܡܘܼܟܼ ܒܸܫܠܵܡܵܐ ܒܩܵܦܠܵܐ ܕܚܹܐܪܹ̈ܐ
ܒܐܲܪܥܵܐ ܕܫܸܡܲܢ
ܕܐܵܬܘܿܪ ܝܸܡܲܢ.
ܫܠܵܡܵܐ ܥܲܠܘܼܟܼ ܒܪܘܿܢܵܐ ܚܹܐܪܵܐ
ܗ̇ܘ ܕܒ݂ܝܼܚܢܲܦ̮ܫܵܐ ܗ̇ܘ ܫܲܪܝܼܪܵܐ
ܠܢܝܼܫܵܐ ܕܐܘܼܡܬܘܼܟܼ
ܕܸܡܘܼܟܼ ܒܡܲܫܬܹܐ ܠܐܲܪܥܵܐ ܒܪܝܼܙܬܵܐ
ܠܐܲܪܥܵܐ ܫܒ݂ܝܼܩܬܵܐ
ܕܸܡܘܼܟܼ ܒܗܵܘܹܐ ܕܦܵܪܛܲܚ ܠܪܗܵܒ݂ܬܵܐ
ܘܟܵܠܲܚ ܒܣܸܕܪܵܐ ܕܗ̇ܘ ܚܘܼܦܵܛܵܐ
ܕܗ̇ܘ ܕܘܼܪܵܪܵܐ
ܕܫܲܪܸܪ ܢܝܼܫܵܐ ܕܥܠܲܝܡܲܢ ܣܗܸܕܠܗܘܿܢ
ܡܸܛܠ ܐܲܪܥܲܢ ܗܵܘܝܵܐ ܚܹܐܪܬܵܐ.
ܕܒ݂ܵܚܬܘܼܟܼ ܐܵܬܵܐ ܕܐܵܢܝ݇ ܫܲܪܝܼܪܹ̈ܐ
ܕܫܵܩܠܝܼ ܕܘܿܪܲܝܗܝ ܒܚܲܩܠܵܐ ܕܚܹܐܪܹ̈ܐ
ܘܪܲܦܝܼ ܡܥܲـܠܲܝܗܝ ܨܘܼܕܪܵܐ ܟܘܿܡܬܵܐ
ܘܟܠ ܬܲܚܡܲܢܬܵܐ ܕܸܡܚܝܼܠܘܼܬܵܐ
ܠܵܒ݂ܫܝܼ ܠܒ݂ܸܫܬܵܐ ܨܒ݂ܸܥܬܵܐ ܒܕܸܡܵܐ
ܫܵܦܟ݂ܝܼ ܒܐܲܪܥܵܐ ܕܐܲܒ݂ܵܗܵܬ݂ܵܐ
ܐܲܪ̈ܝܹܐ ܣܪ̈ܝܼܚܹܐ
ܢܸܫܪܹ̈ܐ ܕܐܵܫܘܿܪ ܒܛܘܼܪܵܐ ܘܕܸܫܬܵܐ
ܩܵܐ ܚܹܐܪܘܼܬܵܐ ܕܐܘܼܡܬܲܢ ܛܠܝܼܡܬܵܐ.
ܟܠ ܚܲܕ݇ ܣܝܼܛܵܐ ܕܐܲܪܥܵܐ ܕܐܵܫܘܿܪ
ܒܥܠܲܝܡܹܐ ܡܠܝܼܬܵܐ
ܘܬܚܘܼܬ ܟܠ ܟܹܐܦܵܐ ܚܵܦܪܝܼ ܩܲܒ݂ܪܵܐ
ܩܵܐ ܒܥܸܠܕܒ݂ܵܒ݂ܵܐ ܣܪܵܒ݂ܵܐ ܠܙܸܕܩܲܢ
ܩܵܐ ܒܥܸܠܕܒ݂ܵܒ݂ܵܐ ܕܒܲܪܢܵܫܘܼܬܵܐ
ܕܐܵܫܘܿܪ ܪܸܢܝܵܐ ܘܟܠ ܚܹܐܪܘܼܬܵܐ
ܒܬܹܒ݂ܹܝܠ ܝܬܝܼܒ݂ܬܵܐ.